ಮಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಯ ಪ್ರದೇಶ ಗಳಿಗೆ ನೀರು ಪೂರೈಸುವ ಮೂಲವಾದ ತುಂಬೆ ನೇತ್ರಾವತಿ ನದಿಯ ನೀರಿನ ಒಳಹರಿವು ಕ್ಷೀಣಿಸಿರುವುದರಿಂದ ಕಿಂಡಿ ಅಣೆಕಟ್ಟಿನ ನೀರು ಶೇಖರಣೆಯ ಮಟ್ಟವು ದಿನದಿಂದ ದಿನಕ್ಕೆ ಇಳಿಮುಖವಾಗುತ್ತಿದೆ. ಇದರಿಂದ ಕುಡಿಯುವ ನೀರಿನ ಸಮಸ್ಯೆ ಉದ್ಭವಿಸದಂತೆ ಮುಂದಿನ ದಿವಸಗಳಲ್ಲಿ ಮಳೆ ಪ್ರಾರಂಭವಾಗುವವರೆಗೆ ಮಹಾನಗರಪಾಲಿಕೆ ವತಿಯಿಂದ ನೀರು ವಿತರಣೆಯಲ್ಲಿ ಕಾಲಕಾಲಕ್ಕೆ ತೆಗೆದುಕೊಳ್ಳುವ ನಿರ್ಧಾರಕ್ಕೆ ಸಾರ್ವಜನಿಕರು ಸಹಕರಿಸಲು ಕೋರಿದೆ. ಇದಲ್ಲದೆ ಮಹಾನಗರಪಾಲಿಕೆಯ ಮಹಾಜನತೆಯಲ್ಲಿ ನೀರನ್ನು ಪೋಲಾ ಗದಂತೆ ಆದಷ್ಟು ನೀರಿನ ಬಳಕೆಯಲ್ಲಿ ಮಿತವ್ಯಯ ಮಾಡಲು ಕೋರಿದೆ. ಮೇಲಿನ ಪರಿಸ್ಥಿತಿಯನ್ನು ಸಾರ್ವಜನಿಕರು ಮನಗಂಡು ಮಹಾನಗರಪಾಲಿಕೆಯೊಂದಿಗೆ ಸಹಕರಿಸಬೇಕಾಗಿ ವಿನಂತಿ.
ಕಾರ್ಯಪಾಲಕ ಅಭಿಯಂತರರು ಮಹಾನಗರಪಾಲಿಕೆ, ಮಂಗಳೂರು
ಆಗಬೇಕಿದ್ದೇ ಆಯಿತು!
ಉಡುಪಿ-ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರಕ್ಕೆ ನಡೆದ ಉಪಚುನಾವಣೆಯಲ್ಲಿ ಬಿಜೆಪಿ ಸೋಲಲೇ ಬೇಕಿತ್ತು, ಹಾಗೇ ಆಯಿತು. ಯಾಕೆಂ ದರೆ ಉಡುಪಿಯಲ್ಲಿ ಇತ್ತೀಚೆಗೆ ನಡೆದಿದ್ದ ರೇವ್ ಪಾರ್ಟಿ ಪ್ರಕರಣದಲ್ಲಿ ಅರೆಬೆತ್ತಲೆ ವಿದೇಶಿ ಮಹಿಳೆ ಯರ ಜೊತೆ ಕುಣಿದ ಉಡುಪಿ ಶಾಸಕರನ್ನು ನೋಡಿಯೇ ಜನರು ದೃಢ ನಿರ್ಧಾರ ತಳೆದಿದ್ದರು. ಯಾವಾಗ ಬಿಜೆಪಿ ಜನಪ್ರತಿನಿಧಿಗಳು, ಮುಖ್ಯಮಂತ್ರಿ, ಉಡುಪಿ ಜಿಲ್ಲಾಧಿಕಾರಿಯವರು ರೇವ್ ಪಾರ್ಟಿ ಎನ್ನುವ ಅಶ್ಲೀಲ ಸಂಸ್ಕೃತಿಯನ್ನು 'ತಪ್ಪೇನಲ್ಲ, ಸರಿ' ಎಂಬರ್ಥದ ಮಾತನ್ನಾಗಿ ಸಮರ್ಥಿಸಿದರೋ ಅಂದೇ ಜನರು ನೀಚ ಬಿಜೆಪಿಯನ್ನು ಸೋಲಿಸಲೇಬೇಕೆಂದು ಪಣತೊಟ್ಟರು. ಉಡುಪಿ-ಚಿಕ್ಕಮಗಳೂರು ಕ್ಷೇತ್ರದ ಹೆಚ್ಚಿನ ತಾಲೂಕು ಕೇಂದ್ರಗಳಲ್ಲಿ ಬಿಜೆಪಿ ಅಸ್ತಿತ್ವದ ಲ್ಲಿದ್ದರೂ ಕಾಂಗ್ರೆಸ್ ಪಕ್ಷ ಅಭೂತಪೂರ್ವ ಜಯ ಗಳಿಸಿತು. ಇದು ಉಡುಪಿ ಜಿಲ್ಲೆಯ ಜನರ ಆಕ್ರೋ ಶದ ಸಂಕೇತ. ಅನಿಷ್ಟ ಪಾಶ್ಚಾತ್ಯ ಸಂಸ್ಕೃತಿಯನ್ನು ಬಿಜೆಪಿಗರು ಪ್ರೋತ್ಸಾಹಿಸಿ ಮಾಧ್ಯಮಗಳೆದುರು ಮಾತ ನಾಡಿದ್ದರ ಪ್ರತಿಫಲ. ರೇವ್ಪಾರ್ಟಿಯನ್ನು ಆಯೋ ಜಿಸಿ ಜನರಿಂದ ಉಗಿಸಿಕೊಂಡ ಉಡುಪಿಯ ಒಬ್ಬ ಜಿಲ್ಲಾಧಿಕಾರಿಯನ್ನು ಅಂದೇ ಬೇರೆಡೆ ವರ್ಗಾವಣೆ ಮಾಡಿರುತ್ತಿದ್ದರೆ ಬಿಜೆಪಿಗೆ ಇಂದು ಈ ಸ್ಥಿತಿ ಬರು ತ್ತಿತ್ತೇ? ಆಗುವುದೆಲ್ಲ ಒಳ್ಳೆಯದಕ್ಕೆ. ಉಡುಪಿ ಜಿಲ್ಲೆಯ ಶಾಸಕರು, ಜನಪ್ರತಿನಿಧಿಗಳು ಸೋಲಿನಿಂದ ಪಾಠ ಕಲಿಯುವರೇ?
ನೊಂದ ಬಿಜೆಪಿ ಕಾರ್ಯಕರ್ತ, ಮೂಡುಬೆಳ್ಳೆ
ಪ್ರತಿಭಟನೆಗಳ ಮನವಿ ಪತ್ರಗಳು ಏನಾಗುತ್ತಿವೆ?
ಜಿಲ್ಲಾಧಿಕಾರಿ ಕಚೇರಿಯ ಮುಂದೆ ತಿಂಗಳಿಗೆ ಕಡಿಮೆಯೆಂ ದರೂ ಇಪ್ಪತ್ತರಿಂದ ಮೂವತ್ತು ಪ್ರತಿ ಭಟನೆಗಳು ನಡೆಯುತ್ತವೆ. ಪ್ರತಿಭಟಿ ಸಿದ ಸಂಘಟನೆಗಳ ಮುಖಂಡರು ತಮ್ಮ ಮನವಿಯನ್ನು ಜಿಲ್ಲಾಧಿಕಾರಿ ಗಳ ಮುಖಾಂತರ ಮುಖ್ಯಮಂ ತ್ರಿಗೋ ಇಲ್ಲವೇ ಪ್ರಧಾನ ಮಂತ್ರಿಗೋ ಸಲ್ಲಿಸುತ್ತಾರೆ.
ಆದರೆ ಈ ರೀತಿಯ ಮನವಿ ಗಳು ಸಂಬಂಧ ಪಟ್ಟವರಿಗೆ ತಲುಪುತ್ತ ದೆಯೇ ಎನ್ನುವುದು ಈಗಿರುವ ಪ್ರಶ್ನೆ. ಜಿಲ್ಲಾ ಧಿಕಾರಿ ಕಛೇರಿಯಲ್ಲಿ 'ಸ್ವೀಕರಿಸಿದ್ದೇವೆ ಎನ್ನುವ ಮುದ್ರೆ ಒತ್ತುತ್ತಾರೆಯೇ ವಿನಃ ಇಲ್ಲಿ ಪ್ರತಿಭಟಿಸಿದ ಸಮಸ್ಯೆಗಳಿಗೆ ಯಾವುದಕ್ಕೆಲ್ಲಾ ಪರಿಹಾರ ಸಿಕ್ಕಿದೆ? ದೇಶಾದ್ಯಂತ ದಿನದಲ್ಲಿ ಹೆಚ್ಚೆಂದರೂ ನೂರಕ್ಕೂ ಹೆಚ್ಚು ಪ್ರತಿಭ ಟನೆಗಳು ನಡೆಯುವಾಗ ಇವೆಲ್ಲಾ ಸಂಬಂ ಧಪಟ್ಟವರ ಕೈ ಸೇರುವುದರಲ್ಲಿ ಅನುಮಾ ನವಿದೆ. ಒಂದು ವೇಳೆ ಈ ಮನವಿ ಪತ್ರ ಗಳು ಕೈ ಸೇರಿದ್ದರೆ ನಮ್ಮ ಜಿಲ್ಲೆಯ ಅರ್ಧ ದಷ್ಟಾದರೂ ಸಮಸ್ಯೆಗಳು ಬಗೆಹರಿಯು ತ್ತಿತ್ತೋ ಏನೋ? ಇನ್ನು ನಮ್ಮ ಸಂಘಟ ನೆಗಳು ಮೊದಲಿನ ಸಮಸ್ಯೆಗಳು ಇತ್ಯರ್ಥ ವಾಗುವ ಮುನ್ನವೇ ಇನ್ನೊಂದು ಪ್ರತಿ ಭಟನೆಗೆ ಸಜ್ಜಾಗುತ್ತವೆ. ಹಿಂದಿನ ಮನವಿ ಪತ್ರಗಳು ಕಸದ ಬುಟ್ಟಿ ಸೇರಿದರೂ ಇವರಿಗೆ ಇದರ ಅಗತ್ಯವಿಲ್ಲ. ಕಾರಣ ವಿಷ್ಟೇ, ಇವೆಲ್ಲಾ ತೋರಿಕೆಯ ಮತ್ತು ಪ್ರಚಾರದ ಪ್ರತಿಭಟನೆಗಳು.
ಸ್ವಾತಂತ್ರ್ಯ ಭಾರತದಲ್ಲಿ ಪ್ರತಿಭಟ ನೆಗಳ ನೈಜ ಮೌಲ್ಯ ಕುಸಿಯಲು ಇದೂ ಒಂದು ಕಾರಣ ಎನ್ನಬಹುದು. ಇನ್ನಾ ದರೂ ಸಂಘಟನೆಗಳು ಇತ್ತ ಗಮನ ಹರಿಸಲಿ. ತಾವು ಮಾಡಿದ ಪ್ರತಿಭಟನೆಗಳಿಂದ ತಾವು ಕಂಡುಕೊಂಡ ಸಾರ್ಥಕತೆ ಏನು ಎನ್ನು ವುದನ್ನು ಕಂಡುಕೊಳ್ಳಲಿ. ಅದೇ ರೀತಿ ಜಿಲ್ಲಾ ಧಿಕಾರಿಗಳು ಕೂಡ ಇತ್ತ ಗಮನ ಹರಿಸಿ. ಪ್ರತಿಭಟನಕಾರರ ಮನವಿಗಳನ್ನು ಸಂಬಂ ಧಪಟ್ಟವರಿಗೆ ತಲುಪಿಸಲಿ.
ವಿನ್ಯಾಸ್ ಆರ್.ಶೆಟ್ಟಿ, ಜೆಪ್ಪು
ರಾ.ಹೆದ್ದಾರಿಯ ಇಕ್ಕೆಲಗಳಲ್ಲಿ ಮರ ಬೆಳೆಸೋಣ
ಹಿಂದೆ ರಾಷ್ಟ್ರೀಯ ಹೆದ್ದಾರಿಯ ಇಕ್ಕೆಲಗಳಲ್ಲಿ ಸಾಲು ಮರಗಳು ಬೆಳೆದು ನಿಂತಿತ್ತು. ಇದರಿಂದ ವಾತಾವರಣ ತಂಪಾಗಿತ್ತಲ್ಲದೆ ಹೆದ್ದಾರಿಯಲ್ಲಿ ಸಂಚರಿಸುವ ವಾಹನ ಸವಾರರಿಗೆ ಶುದ್ಧ ಗಾಳಿ ಸಿಗುತ್ತಿತ್ತು. ಆದರೆ ಈಗ ಹೆದ್ದಾರಿ ವಿಸ್ತರಣೆಯ ನೆಪದಲ್ಲಿ ಬೃಹತ್ ಮರಗಳನ್ನು ಕಡಿದು ಉರು ಳಿಸಲಾಗಿದೆ. ನೂರಾರು ವರ್ಷಗಳಷ್ಟು ಹಳೆಯ ಮರಗಳು ಇಂದು ಉಳಿ ದಿಲ್ಲ. ಇದರಿಂದ ರಸ್ತೆಯಲ್ಲಿ ಸಂಚರಿಸುವಾಗ ಬಿಸಿಗಾಳಿ ಬೀಸುತ್ತದೆ. ವಾತಾ ವರಣ ಕಲುಷಿತಗೊಂಡಿದೆ. ಆದ್ದರಿಂದ ನೂತನ ರಸ್ತೆಯ ಇಕ್ಕೆಲಗಳಲ್ಲಿ ಮರಗಳನ್ನು ಬೆಳೆಸಲು ಸಾಮಾಜಿಕ ಸಂಘಟನೆಗಳು ಮುಂದಾಗಬೇಕಿದೆ. ಜನರು ಒಗ್ಗಟ್ಟಾಗಿ ಮನಸ್ಸು ಮಾಡಿದರೆ ಇದು ಕಷ್ಟವೇನಲ್ಲ. ಸ್ವಚ್ಛ ಪರಿಸರ ನಮ್ಮ ಹಕ್ಕು. ಅದನ್ನು ಪಡೆಯುವಲ್ಲಿ ಪ್ರಯತ್ನ ಪಡಬೇಕಾದವರೂ ನಾವೇ ಅಲ್ಲವೇ?
ರಾಮಚಂದ್ರ, ಸುರತ್ಕಲ್
ಪವರ್ಕಟ್ ಮಾಡಬೇಡಿ
ಕಾರ್ಕಳ ತಾಲೂಕಿನ ಅಜೆಕಾರು ಪರಿಸರದಲ್ಲಿ ವಾರದ ಹೆಚ್ಚಿನ ದಿನಗಳಲ್ಲಿ ರಾತ್ರಿಯ ವೇಳೆ ಅನಿಯಮಿತವಾಗಿ ಪವರ್ ಕಟ್ ಮಾಡಲಾಗುತ್ತದೆ. ಮೆಸ್ಕಾಂಗೆ ಫೋನ್ ಮಾಡಿ ವಿಚಾ ರಿಸಿದರೆ ಸಮರ್ಪಕ ಮಾಹಿತಿಯನ್ನೂ ಕೊಡುವುದಿಲ್ಲ. ಇದ ರಿಂದ ಪರೀಕ್ಷೆ ಸಮಯದಲ್ಲಿ ವಿದ್ಯಾರ್ಥಿಗಳ ವ್ಯಾಸಂಗಕ್ಕೆ ತೊಂದರೆಯಾಗುತ್ತಿದೆ. ನಗರ ಪ್ರದೇಶದಲ್ಲಿ ಈ ಬಗ್ಗೆ ಸೂಕ್ತ ಕ್ರಮ ಕೈಗೊಳ್ಳಲಾಗವುದೆಂದು ಹೇಳಿದ್ದ ಇಂಧನ ಸಚಿವೆ ಈಗ ಸುಮ್ಮನಿದ್ದಾರೆ. ಅಡುಗೆ ಅನಿಲದ ಗಲಾಟೆಯಲ್ಲಿ ಸಚಿವೆಗೆ ವಿದ್ಯುತ್ ಸಮಸ್ಯೆ ಕಾಣುತ್ತಿಲ್ಲವೋ ಏನೋ? ಇಂಧನ ಸಚಿ ವರು ನಮ್ಮ ಸಮಸ್ಯೆಯತ್ತ ಗಮನಿಸಿ, ರಾತ್ರಿಯ ವೇಳೆ ಅಜೆ ಕಾರು ಪರಿಸರದಲ್ಲಿ ವಿದ್ಯುತ್ ನಿಲುಗಡೆ ಮಾಡದಂತೆ ಕ್ರಮ ಕೈಗೊಳ್ಳಬೇಕಾಗಿ ವಿನಂತಿ.
ಸುಕನ್ಯಾ, ಅಜೆಕಾರ್
ಮೊಬೈಲ್ ನಿಷೇಧ ಎಷ್ಟು ದಿನ?
ಇತ್ತೀಚೆಗೆ ಸಚಿವ ಲಕ್ಷ್ಮಣ್ ಸವದಿ ವಿಧಾನಸಭೆಯಲ್ಲಿ ಕುಳಿತು ನೀಲಿಚಿತ್ರ ವೀಕ್ಷಿಸಿದ್ದು ದೊಡ್ಡ ಸುದ್ದಿಯಾಯಿತು. ಸವದಿ ಹೇಳಿ ಕೆಯಂತೆ ಇನ್ನಿಬ್ಬರು ಸಚಿವರ ಮೇಲೂ ಆರೋಪ ಹೊರಿಸ ಲಾಯಿತು. ಈಗ ಸದನ ಸಮಿತಿ ವಿಚಾರಣೆ ನಡೆದು ಸವದಿ ಯನ್ನು ಮಾತ್ರ ಆರೋಪಿ ಎಂದು ಪರಿ ಗಣಿಸಿದೆ. ಇದೇ ವೇಳೆ ಸದನದೊಳಗೆ ಮೊಬೈಲ್ ನಿಷೇಧ ಮಾಡಬೇಕು ಎಂದು ಸಮಿತಿ ತಿಳಿಸಿದೆ. ಆದರೆ ಈ ಆದೇಶ ಎಷ್ಟು ದಿನ ಚಾಲ್ತಿಯಲ್ಲಿರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಯಾಕೆಂ ದರೆ ಸದನದೊಳಗೆ ಮೊಬೈಲ್ ಎಲ್ಲರೂ ಬಳಸುತ್ತಾರೆ. ಕಲಾಪ ನಡೆಯುವ ವೇಳೆ ಮೊಬೈಲ್ ನಲ್ಲಿ ಆಟವಾಡುತ್ತಲೇ ಸಮಯ ಕಳೆಯುವ ಅದೆಷ್ಟೋ ಸಚಿ ವರು ಇದ್ದಾರೆ. ಇವರಿಗೆ ಸದನ ವೆಂದರೆ ಮಾವನ ಮನೆಯಿದ್ದಂತೆ. ಸದನ ದೊಳಗೆ ಮೊಬೈಲ್ ಬಳಕೆ ನಿಷೇಧಿಸುವ ಬದಲು ಜಾಮರ್ ಅಳವಡಿಸಿದರೆ ಒಳ್ಳೆಯದು.
ರವಿಪ್ರಕಾಶ್, ಕೆಸರ್ಗದ್ದೆ
ಏರ್ಪೋರ್ಟ್ ರಸ್ತೆ ಸರಿಪಡಿಸಿ
ಜಿಲ್ಲೆಯ ವಿಮಾನ ನಿಲ್ದಾಣವನ್ನು ಮಂಗ ಳೂರು ನಗರದಿಂದ ಸಂಪರ್ಕಿಸಲು ಅನೇಕ ಕೂಡು ರಸ್ತೆಗಳಿವೆ. ಆದರೆ ಅದರಲ್ಲಿ ದೇರೆಬೈಲ್ ಮೂಲಕ ಸಾಗುವ ರಸ್ತೆ ಸ್ವಲ್ಪ ಹತ್ತಿರವಾಗುತ್ತದೆ. ಹಾಗಾಗಿ ಹೆಚ್ಚಿನವರು ಇದೇ ರಸ್ತೆಯ ಮೂಲಕ ವಿಮಾನ ನಿಲ್ದಾಣದ ಕಡೆಗೆ ಹೋಗುತ್ತಾರೆ. ಆದರೆ ಇಲ್ಲಿನ ರಸ್ತೆಯ ಸ್ಥಿತಿ ನೋಡಿದರೆ ವಾಹನ ಸವಾ ರರು ಇತರೇ ಪರ್ಯಾಯ ರಸ್ತೆಯನ್ನು ಅವಲಂ ಭಿಸುವುದು ಅನಿವಾರ್ಯವೆನಿಸುತ್ತದೆ. ಲ್ಯಾಂಡ್ ಲಿಂಕ್ಸ್ ಕ್ರಾಸ್ ತನಕ ರಸ್ತೆಗೆ ಕಾಂಕ್ರಿಟೀಕರಣ ಮಾಡ ಲಾಗಿದ್ದರೂ ಅಲ್ಲಿಂದ ಮುಂದೆ ಹೋದರೆ ರಸ್ತೆಯ ದುರಾವಸ್ಥೆಯ ದರ್ಶನವಾಗುತ್ತದೆ. ಬಹುಶಃ ಈ ರಸ್ತೆಯ ಕಾಂಕ್ರೀಟಿಕರಣ ಕಾಮಗಾರಿ ಕೈಗೆತ್ತಿ ಕೊಂಡು ಒಂದೆರಡು ವರ್ಷಗಳೇ ಆಗಿವೆ. ಆದರೆ ರಸ್ತೆ ಮಾತ್ರ ಇಲ್ಲಿಯವರೆಗೆ ಪೂರ್ತಿಯಾಗಿಲ್ಲ. ವಿಮಾನ ನಿಲ್ದಾಣವನ್ನು ಸಂಪರ್ಕಿಸುವ ಜಿಲ್ಲೆಯ ಪ್ರಮುಖ ರಸ್ತೆಯ ಸ್ಥಿತಿಯೇ ಹೀಗಾದರೆ ಉಳಿದ ರಸ್ತೆಗಳ ಸ್ಥಿತಿ ಹೇಗಿರಬೇಡ? ವಿಮಾನ ನಿಲ್ದಾಣ ದಿಂದ ಹೊರಬರುವ ಕೆಂಜಾರು ರಸ್ತೆಯ ಪರಿಸ್ಥಿತಿ ಹೇಳಿದಷ್ಟೂ ಮುಗಿಯದು. ಇಲ್ಲಿನ ರಸ್ತೆಗಳಲ್ಲಿ ಡಾಮರು ಮಾಯವಾಗಿ ಆಳೆತ್ತರದ ಗುಂಡಿಗಳು ಕಂಡುಬರುತ್ತಿವೆ. ಇನ್ನಾದರೂ ಪಾಲಿಕೆ, ಸಂಬಂ ಧಪಟ್ಟ ಇಲಾಖೆ ಇತ್ತ ಗಮನಹರಿಸಲಿ.
ಅಶ್ವಿನ್, ಯೆಯ್ಯಾಡಿ
ಹಿಂದುತ್ವ ಒಂದೇ ಎಲ್ಲದಕ್ಕೂ ಉತ್ತರವಲ್ಲ
ಇತ್ತೀಚೆಗೆ ಉಡುಪಿ-ಚಿಕ್ಕಮಗಳೂರು ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿ ಸುನಿಲ್ ಕುಮಾರ್ ಹೀನಾಯವಾಗಿ ಸೋಲು ಕಂ ಡರು. ಇದಕ್ಕೆ ಕಾಂಗ್ರೆಸ್ನ ಉತ್ತಮ ಆಡ ಳಿ ತವಾಗಲೀ ಅಥವಾ ಬಿಜೆಪಿಯ ಕೆಲ ವಿದ್ಯ ಮಾನಗಳಾಗಲೀ ಕಾರಣ ಎನ್ನುವುದು ಕೇವಲ ಮೇಲ್ನೋಟದ ರಾಜಕೀಯ ವಿಮ ರ್ಶೆಗಳಷ್ಟೇ.
ಇವೆಲ್ಲಕ್ಕಿಂತ ಹೆಚ್ಚಾಗಿ ಸುನಿಲ್ ಕುಮಾರ್ ಸೋತದ್ದು ತನ್ನ ಅತಿಯಾದ ಹಿಂದುತ್ವದ ಪ್ರೀತಿಯಿಂದ! ಸುನಿಲ್ ಒಬ್ಬರೇ ಅಲ್ಲ. ಹೆಚ್ಚಿನ ಬಿಜೆಪಿಗರು ಒಂದು ಮಾತನ್ನು ಅರಿತುಕೊ ಳ್ಳಲಿ. ಹಿಂದುತ್ವ ಎನ್ನುವುದು ಒಂದು ಜೀವನ ವಿಧಾನವಷ್ಟೇ. ಅದಕ್ಕೆ ತನ್ನದೇ ಆದ ಸನಾತನ ಇತಿಹಾಸವಿದೆ. ಆದರೆ ನಿಮ್ಮಂತಹ ಕೆಲ ರಾಜಕಾ ರಣಿಗಳಿಂದಾಗಿ ಹಿಂದುತ್ವ ಎನ್ನುವುದು ಬಿಜೆಪಿ ಎಂಬ ರಾಜಕೀಯ ಪಕ್ಷದ ಹಿಡನ್ ಅಜೆಂಡಾ ಎನ್ನುವಂತಾಗಿದೆ. ಬಿಜೆಪಿ ಯಲ್ಲಿರುವವರೆಲ್ಲರೂ ಹಿಂದುಗಳು ಎಂಬ ಭಾವನೆ ಹಲವರಲ್ಲಿದೆ. ಹೀಗಿರುವಾಗ ನನಗೆ ಹಿಂದುಗಳ ಮತವೊಂದೇ ಸಾಕು ಎಂದು ಎದೆ ತಟ್ಟಿ ಹೇಳುವ ಸುನಿಲ್ಕುಮಾರ್ ಗೆಲ್ಲು ವುದಾದರೂ ಹೇಗೆ? ತನ್ನ ಧರ್ಮದ ಮೇಲಿನ ಪ್ರೀತಿ ಸಹಜವಾದದ್ದೇ. ಆದರೆ ಎಲ್ಲದಕ್ಕೂ ಅದೇ ಉತ್ತರವಾ ಗಬಾರದು. ಸುನಿಲ್ ಕುಮಾ ರ್ರವರ ಸೋಲು ದೊಡ್ಡದಲ್ಲ. ಆದರೆ ನಿಮ್ಮ ರಾಜಕೀಯದ ಮಧ್ಯೆಯೂ ಹಿಂದುತ್ವವನ್ನು ಬಳಸಿಕೊಂಡಿದ್ದು ತಪ್ಪು. ಧರ್ಮವನ್ನು ಧರ್ಮವಾಗಿಯೇ ಉಳಿಯಲು ಬಿಟ್ಟು ಬಿಡಿ. ಅದರ ಮಧ್ಯೆ ರಾಜಕೀಯವನ್ನು ಎಳೆದು ತಂದು ಅಪವಿತ್ರಗೊಳಿಸದಿರಿ. ಒಂದು ವೇಳೆ ನಿಮ್ಮ ಮಾತನ್ನು ಉಡುಪಿ-ಚಿಕ್ಕ ಮಗ ಳೂರು ಲೋಕಸಭಾ ಕ್ಷೇತ್ರದ ಸಮಸ್ತ ಹಿಂದೂ ಬಾಂಧವರು ಒಪ್ಪಿದ್ದರೆ ನೀವು ಗೆಲ್ಲುತ್ತಿದ್ದಿರಿ. ಯಾಕೆಂದರೆ ಅಷ್ಟರ ಮಟ್ಟಿಗೆ ಅಲ್ಲಿ ಹಿಂದುಗಳ ಪ್ರಾಬಲ್ಯವಿದೆ. ಆದರೆ ಜಾತ್ಯತೀತ ರಾಷ್ಟ್ರದಲ್ಲಿ ನಿಮ್ಮ ಮಾತು ಒಪ್ಪುವಂಥದ್ದಲ್ಲ. ನಿಮ್ಮ ಮಾತಿ ನಿಂದ ತಲೆ ತಗ್ಗಿಸಿದ ಹಿಂದೂ ಸಮಾಜ ಅನಿ ವಾರ್ಯವಾಗಿ ನಿಮ್ಮನ್ನು ಸೋಲಿಸಿದೆ. ಇಲ್ಲ ವಾದರೆ ಬಿಜೆಪಿಗೆ ಇಲ್ಲಿ ಗೆಲ್ಲುವುದು ಕಷ್ಟದ ಕೆಲಸವಾಗಿರಲಿಲ್ಲ. ಇನ್ನಾದರೂ ಹಿಂದುತ್ವವನ್ನು ನಿಮ್ಮ ಧರ್ಮ ಇಲ್ಲವೇ ಜೀವನ ವಿಧಾನ ಅಂದು ಕೊಳ್ಳಿ. ಅದನ್ನು ಎಂದಿಗೂ ರಾಜಕೀಯಕ್ಕೆ ಎಳೆದು ತರಬೇಡಿ. ನಿಮ್ಮ ಒಂದು ಮಾತು ಜನಾಭಿಪ್ರಾಯವನ್ನೇ ಬದಲಿಸಬಹುದು. ಇದನ್ನು ನೆನಪಿಟ್ಟುಕೊಂಡು ಸಭ್ಯ ರಾಜಕಾರಣಿಯಾಗಿರಿ.
ಧ್ವನಿ, ಮಂಗಳೂರು
You can subscribe by e-mail to receive news updates and breaking stories.