ಕಾಂಗ್ರೆಸ್ ಗೆಲುವಿಗೆ
ಮುನ್ನುಡಿಯಾದ ಒಗ್ಗಟ್ಟಿನ ಕೆಲಸ
ಎಐಸಿಸಿಯಿಂದ ಹಿಡಿದು
ಬೂತ್ ಮಟ್ಟದ ಕಾರ್ಯ ಕರ್ತರವರೆಗೂ ಪ್ರತಿಯೊಬ್ಬರೂ ಒಗ್ಗಟ್ಟಿನಿಂದ, ಶ್ರಮಪಟ್ಟು ಕೆಲಸ ಮಾಡಿದ್ದರಿಂದಾಗಿ
ಕಾಂಗ್ರೆಸ್ ಗೆದ್ದಿದೆ ಎಂದು ಮತ ಎಣಿಕೆಯ ಕೇಂದ್ರದಿಂದ ಜಯಪ್ರಕಾಶವಾದ ನಗೆಯೊಂದಿಗೆ ಹೋರಬಂದ ಹೆಗ್ಡೆಯವರು
ನೀಡಿದ ಮೊದಲ ಪ್ರತಿಕ್ರಿಯೆಯಾದರೆ, ಸೋಲಿನ ಕಹಿಯೊಂದಿಗೆ ಕೇಂದ್ರದಿಂದ ನಿರ್ಗಮಿಸುವ ದಾರಿಯಲ್ಲಿ ಸೋಲಿಗೆ
ಬಿಜೆಪಿ ಸರಕಾರ ಕಾರಣ ಎಂಬ ಯಾವುದೇ ಮುಚ್ಚುಮರೆ ಇಲ್ಲದೆ ಮುಕ್ತವಾದ ಅಭಿಪ್ರಾಯ ಕೊಟ್ಟವರು ಬಿಜೆಪಿಯ
ಮಾರ್ಗದರ್ಶಕ, ಸಂಘ ಪರಿವಾರದ ಹಿರಿಯ ಮುಖಂಡರಾದ ಸೋಮ ಶೇಖರ ಭಟ್ ಅವರು.
ಇವೆರಡೂ ಮಾತುಗಳು ನಿಜವೇ ಆಗಿದೆ. ಈ ಸಲದ ಚುನಾವಣೆಯಲ್ಲಿ
ಕಾಂಗ್ರೆಸ್ ನಾಯಕರ ಐಕ್ಯತೆ ಮತ್ತು ಬಿಜೆಪಿ ಸರಕಾರದ ಹಗರಣಗಳ ಸರಮಾಲೆ ಬಿಜೆಪಿಯ ಸೋಲಿನಲ್ಲಿ ಮತ್ತು
ಕಾಂಗ್ರೆಸ್ನ ಗೆಲುವಿನಲ್ಲಿ ಬಹಳ ಮುಖ್ಯ ಪಾತ್ರ ವಹಿಸಿತ್ತು ಎನ್ನುವುದರಲ್ಲಿ ಎರಡು ಮಾತೇ ಇಲ್ಲ.
ಕಾಂಗ್ರೆಸ್ ಪಕ್ಷಕ್ಕೆ ಕನಿಷ್ಟ ಏಳು ಮಂದಿ ಸಂಸತ್ ಸದಸ್ಯರ
ಅಗತ್ಯವಿತ್ತು. ಸಂಖ್ಯಾಬಲದ ಕೊರತೆಯ ಕಾರಣಕ್ಕೇ ಕಾಂಗ್ರೆಸ್ ನೇತೃತ್ವದ ಕೇಂದ್ರದ ಯುಪಿಎ ಸರಕಾರವನ್ನು
ಪಶ್ಚಿಮ ಬಂಗಾಳದ ಮಮತಾ ಬ್ಯಾನರ್ಜಿ ನೇತೃತ್ವದ ತೃಣಮೂಲ ಕಾಂಗ್ರೆಸ್ ಪಕ್ಷ ನಿಯಂತ್ರಿಸುತ್ತಿದೆ ಎಂಬುದು
ಇದೀಗ ಗುಟ್ಟಾಗಿ ಏನೂ ಉಳಿದಿಲ್ಲ. ಮಮತಾ ಬ್ಯಾನರ್ಜಿಯ
ಬ್ಲ್ಯಾಕ್ಮೇಲ್ ತಂತ್ರಕ್ಕೆ ಸರಿಯಾದ ಉತ್ತರ ಕೊಡಬೇಕು ಎಂದಾದರೆ, ಕಾಂಗ್ರೆಸ್ ಪಕ್ಷಕ್ಕೆ ಕನಿಷ್ಟ ವೆಂದರೂ ಇನ್ನು ಏಳು ಎಂಪಿಗಳ ಅಗತ್ಯವಿದೆ.
ಈ ಕೊರತೆಯನ್ನು ಸರಿಯಾದ ರೀತಿಯಲ್ಲಿಯೇ ತುಂಬಿಸಲು ನಿರ್ಧರಿಸಿದ
ಕಾಂಗ್ರೆಸ್ ಹೈಕಮಾಂಡ್, ಶತಾಯಗತಾಯ ಉಡುಪಿ-ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರವನ್ನು ಗೆದ್ದೇ ಗೆಲ್ಲಬೇಕೆಂಬ
ಹಠದಲ್ಲಿ ಈ ಬಾರಿ ತನ್ನೆಲ್ಲಾ ಶ್ರಮವನ್ನೂ ಈ ಮರು ಚುನಾವಣೆಗೆ ಹಾಕಿತ್ತು.
ಹಿಂದಿನ ಬ್ರಹ್ಮಾವರ ವಿಧಾನಸಭಾ ಕ್ಷೇತ್ರದಿಂದ ಎರಡು ಬಾರಿ
ಶಾಸಕರಾಗಿ, ಸಚಿವರಾಗಿ ಕೆಲಸ ಮಾಡಿದ ಅನು
ಭವ, ಬ್ರಹ್ಮಾವರ ಕ್ಷೇತ್ರವನ್ನು ಉಡುಪಿ ಮತ್ತು ಕಾಪು ವಿಧಾ ನಸಭಾ ಕ್ಷೇತ್ರದ ಜೊತೆಗೆ ವಿಲೀನಗೊಳಿಸಿದ
ಬಳಿಕ ಕುಂದಾ ಪುರ ವಿಧಾನಸಭಾ ಕ್ಷೇತ್ರದಿಂದ ಬಿಜೆಪಿಯ
ಹಾಲಾಡಿ ಶ್ರೀನಿವಾಸ ಶೆಟ್ಟಿಯವರ ವಿರುದ್ದ ಕಾಂಗ್ರೆಸ್
ಪಕ್ಷದಿಂದ ಸ್ಪರ್ಧಿಸಿ ಸೋಲು ಮತ್ತು ನೂತನವಾಗಿ ರಚನೆಗೊಂಡ ಉಡುಪಿ-ಚಿಕ್ಕಮಗ ಳೂರು ಲೋಕಸಭಾ
ಕ್ಷೇತ್ರದಿಂದ ಸ್ಪರ್ಧಿಸಿ ಪರಾಭವಗೊಂಡರೂ ಕ್ಷೇತ್ರದ ಸಂಪರ್ಕ ಇಟ್ಟುಕೊಂಡ, ಮತದಾರರ ಜೊತೆ ನಿರಂತರ
ಒಡನಾಟ ಇರಿಸಿಕೊಂಡ ಹೆಗ್ಗಳಿಕೆ ಹಾಗೂ ನಿರಂತರವಾಗಿ ಎರಡೂ ಸಲ ಸೋತ ಒಳ್ಳೆಯ ಮನುಷ್ಯ, ಮೌಲ್ಯಾಧಾರಿತ
ರಾಜಕಾರಣಿ ಎಂಬ ಕೀರ್ತಿಗೆ ಪ್ರತಿಯಾಗಿ ಮತದಾರರ ನಡುವೆ ಇದ್ದ ಅನುಕಂಪದ ಅಲೆ. ಇವುಗಳೆಲ್ಲವುಗಳನ್ನೂ
ಪರಿಗಣಿಸಿದ ಕಾಂಗ್ರೆಸ್ ಹೈಕಮಾಂಡ್ ಜಯಪ್ರಕಾಶ್ ಹೆಗ್ಡೆಯವರಿಗೆ ಈ ಬಾರಿಯ ಲೋಕಸಭಾ ಅಭ್ಯರ್ಥಿತನದ ಬಿ
ಫಾರಂನ್ನು ಗೆಲ್ಲುವ ವಿಶ್ವಾಸದಲ್ಲಿಯೇ ನೀಡಿತ್ತು. ಈ ಪ್ರಕ್ರಿಯೆಯಲ್ಲಿ ಅಭ್ಯರ್ಥಿಗಳಾಗುವ ಆಕಾಂಕ್ಷೆಯಲ್ಲಿದ್ದ
ಮಾಜಿ ಸಂಸದರಾದ, ಎಐಸಿಸಿ ಕಾರ್ಯದರ್ಶಿ ವಿನಯಕುಮಾರ್ ಸೊರಕೆ, ಬಿ.ಎಲ್.ಶಂಕರ್ ಹಾಗೂ ಡಿ.ಕೆ.ತಾರಾದೇವಿ
ಸಿದ್ದಾರ್ಥ ಇವರನ್ನು ಸಮಾಧಾನಪಡಿಸಿ ಹೆಗ್ಡೆಯವರನ್ನೇ ಆಯ್ಕೆ ಮಾಡಿದ್ದರು ಕಾಂಗ್ರೆಸ್ ಪಕ್ಷದ ಪರಮೋಚ್ಚ
ನಾಯಕಿ ಸೋನಿಯಾ ಗಾಂಧಿ. ಜಯಪ್ರಕಾಶ್ ಹೆಗ್ಡೆಯವರ ಗೆಲು ವಿಗಾಗಿ ಕೇಂದ್ರ ಮಂತ್ರಿಗಳಾದ ಮುನಿಯಪ್ಪ,
ಎಂ.ವೀರಪ್ಪ ಮೊಯಿಲಿ, ಎಐಸಿಸಿ ನಾಯಕರುಗಳಾದ ಮಧುಸೂದನ್
ಮಿಸ್ತ್ರಿ, ಆಸ್ಕರ್ ಫೆರ್ನಾಂಡಿಸ್, ಜೆ.ಡಿ.ಸೀಲಂ, ಶಾಂತಾರಾಮ ನಾಯಕ್, ಜನಾರ್ದನ ಪೂಜಾರಿ, ಕೆಪಿಸಿಸಿಯ ಮುಖಂಡರುಗಳಾದ ಸಿದ್ದರಾಮಯ್ಯ,
ಮೋಟಮ್ಮ, ಡಾ.ಜಿ.ಪರಮೇಶ್ವರ್, ಕೆ.ಪಿ.ನಂಜುಂಡಿ, ದಿನೇಶ್ ಗುಂಡೂರಾವ್, ಪ್ರಿಯಾಂಕ ಖರ್ಗೆ, ಚಲನಚಿತ್ರ
ನಟ- ನಟಿಯರಾದ ಉಮಾಶ್ರೀ, ರಮ್ಯಾ, ಭಾವನಾ, ಆದಿ ಲೋಕೇಶ್ ಸಹಿತ ಹಲವಾರು ಮಂದಿ ಮುಖಂಡರುಗಳು ಕ್ಷೇತ್ರದಾದ್ಯಂತ
ಪ್ರಚಾರಕಾರ್ಯ ನಡೆಸಿದರು.
ಹೈಕಮಾಂಡ್ ಅತ್ಯಂತ ವ್ಯವಸ್ಥಿತವಾಗಿ ಈ ಕೆಲಸ ಗಳನ್ನು ಮಾಡಿತ್ತು.
ಒಂದೊಂದು ಕೆಲಸಕ್ಕೂ ಒಬ್ಬೊಬ್ಬರಿಗೆ ಜವಾಬ್ದಾರಿ ನೀಡಿ, ಅವರಿಂದ ಗೆಲ್ಲಲು ಏನೆಲ್ಲಾ ಕೆಲಸಗಳು ಆಗಬೇಕಿತ್ತೋ
ಅವುಗಳನ್ನೆಲ್ಲಾ ಮಾಡಿಸಿತ್ತು. ಇದರ ಜೊತೆಗೆ ರಾಜ್ಯದ ಬಿಜೆಪಿ ಸರಕಾರದ ಹಗರಣಗಳ ಸರಮಾಲೆಯ ಬಗ್ಗೆ,
ವಿಫಲ ಆಡಳಿತದ ಬಗ್ಗೆ, ಬಿಜೆಪಿಯೊಳಗಿನ ಭಿನ್ನ ಮತ,
ಒಡಕು, ಗೊಂದಲ ಇತ್ಯಾದಿಗಳನ್ನೆಲ್ಲವನ್ನೂ ಪ್ರಚುರ ಪಡಿಸುವಲ್ಲಿ ಕಾಂಗ್ರೆಸ್ ನಾಯಕರು ಯಶಸ್ವಿಯಾದರು.
ಕಾಂಗ್ರೆಸ್ನ ಜಯಪ್ರಕಾಶ್ ಹೆಗ್ಡೆಯವರಿಗೆ ಇದ್ದಂತಹ ವರ್ಚಸ್ಸಾಗಲೀ,
ಹೆಸರಾಗಲೀ ಬಿಜೆಪಿ ಅಭ್ಯರ್ಥಿ ಸುನಿಲ್ ಕುಮಾರ್ ಅವರಿಗೆ ಇರಲಿಲ್ಲ. ಒಂದು ಸಲ ಕಾರ್ಕಳ ವಿಧಾನಸಭಾ ಕ್ಷೇತ್ರದಿಂದ
ಸ್ಪರ್ಧಿಸಿ ಕೇವಲ ಭಾಷಣ ಮಾಡಿಯೇ ಗೆದ್ದು ಶಾಸಕನಾದ ಅನುಭವ ಹೊರತು ಪಡಿಸಿದರೆ ಹೇಳಿಕೊಳ್ಳುವಂತಹ ಅನುಭವವೂ
ಸುನಿಲ್ಗೆ ಇರಲಿಲ್ಲ. ಇವರ ಮೇಲಿದ್ದ ಕೆಲವೊಂದು ಗಂಭೀರ ಆರೋ ಪಗಳನ್ನು ಮತದಾರರ ಮನಸ್ಸಿಗೆ ಮುಟ್ಟಿಸುವ ಕೆಲಸವನ್ನೂ ಕಾಂಗ್ರೆಸ್ ಸಮರ್ಥವಾಗಿಯೇ ಬೇರೆ ಮಾಡಿತ್ತು.
ಇದಲ್ಲದೆ, ಎಷ್ಟೇ ಆರೋಪಗಳಿದ್ದರೂ ರಾಜ್ಯ ಬಿಜೆ ಪಿಯ ಪ್ರಭಾವೀ
ನಾಯಕ, ಮಾಜಿ ಮುಖ್ಯಮಂತ್ರಿ ಯಡಿ ಯೂರಪ್ಪ ಪ್ರಚಾರಕ್ಕೆ
ಬಾರದೇ ಇದ್ದುದು, ಬಿಜೆಪಿ ಜಿಲ್ಲಾ ಧ್ಯಕ್ಷರಾದ ಉದಯಕುಮಾರ್ ಶೆಟ್ಟಿ ಪೂರ್ಣ ಮನಸ್ಸಿನಿಂದ ಕೆಲಸ ಮಾಡದೇ
ಇದ್ದುದು, ಪಕ್ಷದ ಎಲ್ಲಾ ನಾಯಕರೂ ಈ ಹಿಂದಿನ ಚುನಾವಣೆಗೆ ಶ್ರಮಿಸಿದಷ್ಟು ಈ ಬಾರಿಯ ಚುನಾವಣೆಗೆ ಶಕ್ತಿ
ಪ್ರಯೋಗ ಮಾಡದೇ ಇದ್ದುದು ಇತ್ಯಾದಿಗಳೂ ಸುನಿಲ್ ಸೋಲಿಗೆ ಕಾರಣವಾಯಿತು.
ಬಿಜೆಪಿ ಶಾಸಕರ ಪರೋಕ್ಷ
ಪಾಲುದಾರಿಕೆಯಲ್ಲಿ ನಡೆದ ಮಲ್ಪೆಯ ರೇವ್ಪಾರ್ಟಿ, ಸದನದಲ್ಲಿ ಸಚಿವರು ನೀಲಿಚಿತ್ರ ವೀಕ್ಷಿಸಿ ಸಿಕ್ಕಿಬಿದ್ದದ್ದು,
ಸ್ನೇಹಿತನ ಪತ್ನಿಯ ಮೇಲೆಯೇ ಸಚಿವ ಹಾಲಪ್ಪ ಅತ್ಯಾಚಾರ ನಡೆಸಿದ್ದು, ಸಚಿವ ರೇಣುಕಾ ಚಾರ್ಯ ಜಯಲಕ್ಷ್ಮಿಗೆ
ಚುಂಬನ ನೀಡಿದ ಪ್ರಕರಣ, ಶಾಸಕ ಸಂಪಂಗಿ ಲಂಚ ಪಡೆದು ಸಿಕ್ಕಿಬಿದ್ದ ಪ್ರಕರಣ, ಗಣಿ ಹಗ ರಣದ ಆರೋಪದಲ್ಲಿ
ಸಚಿವ ಜನಾರ್ದನ ರೆಡ್ಡಿ, ಕಟ್ಟಾ ಸುಬ್ರಹ್ಮಣ್ಯ ನಾಯ್ಡು, ಕಟ್ಟಾ ಜಗದೀಶ್, ಕೃಷ್ಣಯ್ಯ ಶೆಟ್ಟಿ ಮೊದಲಾದವರು
ಜೈಲು ಪಾಲಾದುದು, ಹಲವು ಪ್ರಕರಣಗಳ ಆರೋಪಿಯಾಗಿ ಯಡಿಯೂರಪ್ಪನವರು ಜೈಲು ಪಾಲಾದ್ದು, ಸಚಿವ ಡಾ.ವಿ.ಎಸ್.ಆಚಾರ್ಯರ
ಜನ ವಿರೋಧಿ ನೀತಿ, ಸದನದಲ್ಲಿ ನೀಲಿಚಿತ್ರ ವೀಕ್ಷಿಸಿದ್ದು ಇತ್ಯಾದಿ ಅನೇಕಾನೇಕ ಪ್ರಕರಣಗಳು ಬಿಜೆಪಿಯನ್ನು
ಮತದಾರರು ಈ ಸಲ ಕೈ ಬಿಡಲು ಕಾರಣವಾಯಿತು.
ಜೆಡಿಎಸ್ ಪರಮೋಚ್ಚ ನಾಯಕರುಗಳಾದ ದೇವೇ ಗೌಡರು ಹಾಗೂ ಕುಮಾರಸ್ವಾಮಿ
ಮುಖ್ಯಮಂತ್ರಿ ಸದಾ ನಂದ ಗೌಡರ ಜೊತೆ ಒಳ ಒಪ್ಪಂದ ಮಾಡಿಕೊಂಡು ಬಿಜೆಪಿಯನ್ನು ಗೆಲ್ಲಿಸುವ ಸಲುವಾಗಿ
ಎಸ್.ಎಲ್. ಭೋಜೇ ಗೌಡ ಅವರನ್ನು ಜೆಡಿಎಸ್ ಅಭ್ಯರ್ಥಿಯನ್ನಾಗಿ ಚುನಾವಣಾ ಕಣಕ್ಕಿಳಿಸಿದೆ ಎಂಬ ಕಾಂಗ್ರೆಸ್
ನಾಯಕರ ಆರೋಪ, ಬಿಜೆ ಪಿಯ ಸುನಿಲ್ಕುಮಾರ್ ಹಿಂದುತ್ವವನ್ನು
ಮುಂದಿಟ್ಟುಕೊಂಡು, ಅಲ್ಪಸಂಖ್ಯಾತರ ಮತ ತನಗೆ ಬೇಕಾಗಿಲ್ಲ ಎಂದು ಬಹಿ ರಂಗವಾಗಿ ಹೇಳಿಕೊಂಡದ್ದು, ಅತೀ
ಹೆಚ್ಚು ಪ್ರಸಾರ ಸಂಖ್ಯೆ ಹೊಂದಿರುವ ದಿನಪತ್ರಿಕೆಯಲ್ಲಿ ಬಿಜೆಪಿ ಕಾಸು ಕೊಟ್ಟು ಬಿಜೆಪಿ ಪರವಾದ ಸುದ್ದಿಗಳನ್ನು
ದಿನನಿತ್ಯ ಪ್ರಕಟವಾಗುವಂತೆ ಮಾಡಿದ್ದು, ಅಡ್ಡದಾರಿಯಲ್ಲಿ ಓಟಿಗಾಗಿ ಜಾತಿಗಳ ಸಮಾವೇಶವನ್ನು ನಡೆಸುವ
ಮೂಲಕ ಹೊಲಸು ಜಾತಿ ರಾಜಕಾರಣ ಮಾಡಿದ್ದು ಇತ್ಯಾದಿಗಳೂ ಮತದಾರರು ಬಿಜೆಪಿ ಬಗ್ಗೆ ಅಸಹ್ಯಪಡಲು, ಆ ಮೂಲಕ
ಬಿಜೆಪಿಯನ್ನು ಅಂತಿಮವಾಗಿ ತಿರಸ್ಕರಿಸಲು ಕಾರಣವಾಯಿತು.
ಬಿಜೆಪಿಗೆ ತನ್ನ ಸೋಲಿನ ಬಗ್ಗೆ ಮೊದಲೇ ಅರಿವಿತ್ತು. ಅದೇ
ಕಾರಣಕ್ಕೆ ಸುನಿಲ್ ಕುಮಾರ್ ಸಹಿತ ಬಿಜೆಪಿಯ ಅನೇಕ
ಮಂದಿ ಪ್ರಮುಖ ನಾಯಕರು, ಕಾರ್ಯಕರ್ತರು ಮತ ಎಣಿಕೆ ಕೇಂದ್ರದತ್ತ ತಲೆಯನ್ನೇ ಹಾಕದೆ ಶರಣಾಗತಿ ಘೋಷಿಸಿಬಿಟ್ಟಿತ್ತು.
You can subscribe by e-mail to receive news updates and breaking stories.